Musikktroppen

.: Sjå musikkvideo :.

Førde skulemusikkorps er det eldste og inntil hausten 2003 det einaste skulekorpset i Førde. Korpset har janitsjarbesetning, det vil seie at vi har både treblåsarar og messingblåsarar i tillegg til trommer og perkusjon. Hausten 2004 hadde korpset omlag 55 medlemmar fordelte på musikktropp, aspiranttropp og aspirantar.

Musikktroppen spelar ved ulike høve der vi blir inviterte til å underhalde, vi reiser på festivalar og seminar, og sjølvsagt framst i 17. maitoget i Førde. Troppen er prega av godt kameratskap og høg sosial faktor, så vel som musikalsk harmoni.

Dirigent er Helga Lied Wyrtz, som òg er tilsett ved som distriktmusikar ved Førde kommunale kulturskule. Reportoiret er sett saman av tradisjonelt korpsmateriale, lett blanda med filmmusikk, pop, rock og folketoner.

Vi tek opp nye aspirantar frå 3. klasse. Desse får individuell instrumentopplæring av eldre korpsmusikarar, ofte supplert med timar på musikkskulen. Frå 2. aspirantåret sett vi dei saman til eit aspiranttropp så sant mogleg. Til 17. mai får dei uniform og går inn i musikktroppen som vanlege medlemmar.

Vil du vere med, så heng på!

Drillentroppen

.: Sjå drillvideo:.
Tropp 1 (5,9 MB MOV)
Tropp 2 (6,5MB MOV)
Aspirantar (4,6MB MOV)

Drill er dans med drillstav.
Førde skulemusikkorps har for tida 3 drilltroppar; Tropp 1, 2 og aspirantar, og troppane har øving ein dag i veka. Øvingane består vanlegvis av oppvarming, trening på konkurranseprogram og uttøying.

Drilltroppane deltek på to konkurransar i året, Stavdrill på Askøy i november som er ein landsomfattande konkurranse, og Sogn og Fjordane meisterskapen i mars.
Drilltroppane har gode resultat å vise til frå begge konkurransane.

Føremålet med konkurransane er å skape motivasjon og heve nivået, deltaking på konkurransar verkar også positivt sosialt i troppane.

Frå slutten av mars øver vi på marsjprogram for å opptre saman med musikktroppen. To av jentene i den eldste troppen er instruktørar for dei yngre troppane.

Hausten 2006 tok vi opp seks aspirantar. Aspiranttida er to år før opptak i hovedkorpset.