Med levande bokmerke får du melding direkte i nettlesaren når det er noko nytt her på korpssida. Klikk på bildet, legg sida som kjem opp til som favoritt, eller bokmerke, i nettlesaren så er du i gang.
Førde skulemusikkorps vart skipa 6. november 1968. I starten var det berre musikantar som utgjorde korpset, men sidan har vi òg fått ein god drilltropp å vere stolte av.
Vedtektene for Førde skulemusikkorps seier at «Førde skulemusikkorps skal ivareta og utvikle korpsmusikk gjennom opplæring, motivering og god organisasjon. Drive tilleggsaktivitetar som drill, ensamblespel, storband og liknande når det er interesse for det.»
Kalenderlotteriet er trukket
Vi har ein vinnar!
Korpskalenderen for 2012 som blei seld i desember hadde eit lodd som ga kjøparen sjansen til å vinne ei spekeskinke gitt av Spar på Handelshuset. Trekninga er gjort, og vi har gleda av å annonsere at det er eigaren av kalenderlodd nr.
246
som har vunne den velsmakande gevinsten. Vinnaren kan ta kontakt med Magnus Vie på telefon 951 98 436 og avtale tid og stad overlevering av premien.
Vi takkar annonsørane våre og alle som tok godt imot kalenderseljarane. På den måten har de alle vore med å styrke økonomien i skulemusikkorpset.
Korpsturen til Hemsedal helga 2. - 4. desember måtte avlysast fordi det rett og slett ikkje var snø. Men no ligg snøen kvit, bakkar og løyper er preppa og då er det berre å pakke sekkar, vesker og godt humør. Helga 13. - 15. januar er sett som ny dato utflukten.
Opplegget i Hemsedal legg vekt på korpsgleda og det sosiale. Vi skal vere med på ymse aktivitetar ute og inne. Dei som vil kan enten stå på slalom, ake eller gå på skitur. Vi forsøker å klare oss med privatbilar, så foreldre og søsken kan gjerne bli med på turen. Påmeldingsfrist er fredag 23. desember.
Etter ei særs vellukka julegrantenning og julemesse i Førdehuset er det på sin plass å rette ein takk til alle som deltok; Korpsmedlemmane som spelte og viste sine drillprogram, foreldre som stilte opp med dugnadsinnsats, Ingvar Vagstad som heldt appell for adventstida og sist, men ikkje minst fleire hundre små og store som trossa sludd, regn og vind for å vere saman med oss. Tusen takk!
Ein spesiell takk vil vi likevel få rette til Steinar Sætherdal som dukka opp med ein DVD til oss. På denne plata hadde han lagt eit filmklipp frå 70-talet. Det viser 17. mai i Solheimsdalen der Førde skulemusikkorps marsjerar og spelar. Han ga oss også lov til å dele dette opptaket på nettet.
Slapp av, det blir julegrantenning og julemesse i Førde første søndag i advent i år óg. Medan Langebrutorget er eit anleggsområde der gravemaskinane jafsar i seg dei siste restene av Sølvberggården og den gamle jernvaren, har Førde kommune sett opp julegrana framfor Førdehuset. Der vil Førde skulemusikkorps som vanleg tru syte for tonefølgje og god stemning i skumringa. Vi håpar at like mange store og små finn vegen hit som det tidlegare år har vore på sørsida.
Maja Vie og Tonje Friborg kapra ei sterk tredjeplass under årets Stavdrill på Askøy i helga. Som drilldansduett i klassen preteen konkurrerte dei med tolv andre duettar. Vi gratulerar med god innsats og ein flott plassering.
Stavdrillen, den store drillkonkurransen med deltakarar frå heile sørnoreg på Askøy, er ein tradisjon for drilltroppen vår og vi kan sjå tilbake på mange gode prestasjonar og plasseringar. I år var det altså Maja og Tonje som sikra seg ein plass på pallen. Det er Kristin Johme er trenar og har laga koreografien til programmet som altså heldt til bronsemedalje og pokal i gjevt selskap
No er nettene blitt lange, og sjølv om kulda ikkje har satt inn er tida inne for alle tradisjonars høgtid. Og tradisjonen tru skal Førde skulemusikkorps sørge for at julelysa i Førde tennast 1. søndag i advent, den 27. november kl. 16.00. Etterpå er det som vanleg julemesse i Førdehuset. Her blir det moro for både store og små, men også litt å gjere medførebuingane.
Tida er inne for årets korpsfoto
Møt opp: Måndag 7. november kl 16.30 på Førde Barneskule
Dei som har stiller i full uniform, hugs lua/hatten, resten stiller i korpsgensar, svart/mørk bukse og mørke sko.
Har du ikkje fått korpsgensar, kan du møte opp kl. 16.20 så skal du få då.
ALLE må hugse å ha med INSTRUMENTET / DRILLSTAVEN sin.
Biletet skal brukast på korpskalenderen. Den skal vi ut å selje seinare i haust, derfor er det viktig at du kjem. Det er jo mykje kjekkare å selje den om du er med på biletet.
Sett av kvelden mandag 24. oktober. Då inviterar Førde skulemusikkorps til tre ting på ein gong. Vi skal ha konsert, servere kaffi og ha ein forrykande auksjon, og så vi gjer unna årmøtet for 2011.
Då ungdomslandslaga til Noreg og Sverige (G/J15) skulle spele privatlandskampar i fotball på Førde stadion, fekk skulekorpsa i oppdrag å spele nasjonalsongane før kampane. Det skulle spelast to kampar for både jenter og gutar, så dermed blei det fire gongar «Ja, vi elskar» og «Du gamla, du fria» fordelt på to dagar. Det var litt spanande å spele eit nasjonal oppdrag, men folka frå fotballforbundet sa seg svært fornøgde med både korps, publikum og Førde IL som kamparrangør, så det kan hende vi får fleire sjansar.
Det er klart for den første øvingshelga for musikktroppen, og timeplanen ser slik ut:
Fredag kl. 18 - 21 med innlagt fruktpause
Laurdag kl. 10 - 15, grautservering kl. 12
Laurdag kveld kl. 19 - 22: Sosialkveld Ta med kr 50,- og snop til deling
Dette skjer er på Førde barneskule. Drilltroppen har som vanleg trening på Flatene skule frå kl. 16 - 18, og er sjølvsagt med på sosialkvelden etterpå.
Ein ny sesong er i gang, og med i notemappa på første øvinga hadde dirigent Arvid Anthun med seg spanande tonar frå andre land. Dette er komposisjonar som passar musikktroppen sin samansetning og nivået deira samstundes som det verkeleg kan gje publikum ein god musikkoppleving.
Som eit ledd i arbeidet for at dette skal låte så bra som mogleg på kafékonsertane utpå hausten, legg vi her ut innspelingar som medlemmane kan laste ned og høyre på når dei øvar heime. For det er ikkje nok å øve berre ein kveld i veka om det skal bli klang og samspel av det. Barei ti-femten minutt kvar dag, men gjerne meir, vil gjere stor forskjell når salen er full av søsken, foreldre, tanter og onklar.
Korpsturen til Hemsedal helga 2. - 4. desember måtte avlysast fordi det rett og slett ikkje var snø. Men no ligg snøen kvit, bakkar og løyper er preppa og då er det berre å pakke sekkar, vesker og godt humør. Helga 13. - 15. januar er sett som ny dato utflukten. 
Etter ei særs vellukka julegrantenning og julemesse i Førdehuset er det på sin plass å rette ein takk til alle som deltok; Korpsmedlemmane som spelte og viste sine drillprogram, foreldre som stilte opp med dugnadsinnsats, Ingvar Vagstad som heldt appell for adventstida og sist, men ikkje minst fleire hundre små og store som trossa sludd, regn og vind for å vere saman med oss. Tusen takk!
